Aleksandra Bozinovska

Дигитална агенда, но и достапноста на е-услугите во руралните средини ќе биде една од темите на кои што ќе работи Рурална Коалиција во наредните 18 месеци.

Објавено на 1.18.2021

Проектот Дигитализација во земјделството – СЕГА! ќе се реализира 18 месеци на територијата на 5 општини и тоа:

Кривогаштани,Старо Нагоричане,Врапчиште,Кичево и Струмица. Истиот ќе има за цел да се зголеми довербата на електронското издавање на докуемтни од страна на институциите,  но исто така и да се зголеми нивото на дигиталната писменост кај локалното население.

Исто така ќе биде отворен и локале центар за е-поддршка во Кичево кој што пак директно ќе нуди поддршка за граѓаните да може полесно да ги добијат услугите по електронски пат и на таков начин да се скратат гужвите пред шалтерите на институциите.

Рурална Коалиција е една од трите организации од Северна Македонија која што стана дел од мрежата ICEDA – Increasing Civic Engagement in the Digital Agenda и која што во наредниот период ќе работи на формирање и управување со граѓански центар за поддршка на е-владеење преку кој што ќе им помогне на земјоделците и руралното население воошто во користењето на е-услугите, но и зголемувањето на дигиталната писменост на локално ниво. Вакви активности освен во Северна Македонија во рамките на мрежата ИЦЕДА ќе се спроведуваат и во Албанија,Косово,Црна Гора и Србија, а во рамките на проектот  “Зголемување на граѓанското учество во дигиталната агенда – ИЦЕДА” која што го спроведува Metamorphosis Foundation  ( Северна Македонија ), Академија за е-владеење ( Естонија), Levizja Mjfat!(Албанија), ЦРТА -Центар за истражување,транспарентност и отчетност ( Србија), НВО 35мм ( Црна Гора) и ODK – Отворени податоци Косово (Косово).Проектот се спроведува со финансиска поддршка од Европската Унија.

Вмрежувањето и заедничката соработка ја затворија 2020 година

Датум на објава: 31.12.2020

На самиот крај на 2020 година Рурална Коалиција потпиша уште еден меморандум за соработка и тоа овој пат со Банката за храна – Храна за сите. Двете организации заедничката соработка ја градат подолг временски период, па се појави и потребата од нејзино официјализирање како би се поставила и темелите на взаемното делување во годината која што следува,а во делот на градењето на стратешки пристап кога станува збор за производството на храна, делувањето во руралните средини и обезбедувањето на храна на оние на кои што им е најпотребно.

Прочитај повеќе

Рурална Коалиција ќе го гради првиот виртуелен локален пазар на земјоделски производи со обезбедена поддршка од донаторскиот кружок 2020

Датум на објава: 30.12.2020

Над 150 граѓани се здружија паметно а преку 60 граѓани донираа веќе 445.000 денари за иницијативи што долгорочно ја унапредуваат благосостојбата на граѓаните и заедниците и тоа за три граѓански организации: Здружение за дислексија Ајнштајн, ДПД – Свети Николе и Рурална Коалиција.

Благодарение на бизнис секторот,граѓанските организации и самите граѓани Рурална Коалиција ја доби потребната поддршка за да изгради виртуелен локален женски е-пазар каде што жените од руралните средини ќе може да пласираат и да ги продаваат приозводите, па само со неколку клика сите ќе имаме сите ќе имаме можност да се запознаеме со традицијата на производството, со животните приказни на жените и да си купиме чиста и здрава локално произведена храна

Прочитај повеќе

Кампањата “Различни пакетчиња за различна нова година” со која што се промовира локалното производство на здрава храна за прв пат влезе и во градинките

Градинката “Олга Мицеска” од Кичево е првата градинка во нашата држава која што се приклучи кон кампањата за промоција и поддршка на локалното производство на храна преку делење на пакетчиња со здрава храна на 150 деца кои што се згрижени во градинката. Дополнително, се потпиша и меморандум за соработка токму во оваа насока да се продолжи да се работи и понатаму затоа што здравите навики за исхрана кај децата се формираат од најмали нозе, а исто така треба да знаеме дека секое трето дете според последниот извештај на UNICEF за нашата земја, е дете со прекумерна телесна тежина. Од друга страна пак дури 84% од земјоделските производители почувствувале негативни ефекти од Кивод кризата, па така сега е вистинско време да ја изразиме максимално поддршката кон локалните земјоделски производители и да се свртиме кон конзумирање на локално произведената храна.

За крај, соработката со градинката Олга Мицеска од Кичено има многу поголема и подалечна визија а тоа е менување на свеста кај населението за користење на локалните земјоделски производи, па како би можеле да успееме ако не почнеме токму од најмалите чии навики за исхрана се формираат во оваа возраст.

Огромна благодарност до градинката Олга Мицеска што ни стана нов партнер во остварување на нашата мисија. Кампањата #различнипакетчињазаразличнановагодина се спроведува во рамките на програмата на Civica Mobilitas